Ég ætla aðeins að gefa þessari síðu frí og er búin að gera nýja síðu, endilega kíkið á hana.

Ahh jólafríið er fullkomnað, ég keypti mér æðislega skó í gær Svarta, leður ökklaskó...ummm...næs

Ég óska ykkur öllum gleðilegra jóla og farsældar á nýju ári, þakka allt gamalt og gott og hlakka til þess sem koma skal.

kv. Halldóra Kristín

p.s. það eru komnar inn nokkrar myndir frá Kúbu, eða um 1/3 af þeim sem við tókum kemur meira síðar.

Maeli eindregid med thessu, buid ad vera yndislegt hja okkur stollum. Forum til Havana i gaer og i jeppasafari i dag, badar ferdirnar voru snilld. Skelli inn myndum um leid og eg kem heim -Adios

Nú er það ljóst við Hulda höfum misst okkur í draumórum og á laugardaginn næstkomandi ætlum við stöllur að skella okkur til Kúbú í viku fyrir jólin....sweet...

Hvað heldur fólk, verða rauð- eða hvít jól ?


Þetta er uppáhaldsmyndin mín þessa dagana, tekin 2003 á Laugabóli
Endilega kommentið, svo ég viti hverjir eru að kíkja hérna inn og hvaða skoðun þið hafið á þessu máli.
-Jóla Halldóra

Er fólk ekki komið í jólaskap... hérna má heyra White-trash útgáfu af nokkrum þekktum jólalögum, flutt af Larry the Cabel guy.

Hún Vala Matt mætti í Ísland í Bítíð í morgun og þá hafði hún skellt sér í vítamínalesningu hjá Hómópata, endilega horfið á þetta og ef einhver skilur eitthvað í þessu ,,vælu" tæki endilega útskýrið það fyrir mér.

Myndbandið!

1) hvaða taug er hún að finna ? er það bæði skyn- og hreyfitaug ?
2) Hvað er ampúlla ?
3) afhverju heldur hún á málmstykki í hinni höndinni, þó það sé ekki að gefa frá sér neitt.
4) afhverju þarf þetta tæki að gefa frá sér þetta hræðilega hljóð ?
5) Er bara eitt B-vítamín í hennar heimi ?
6) Hvaða eiginleika Lýsis er hún að mæla með því að setja það í staup glas og í þessa grind ?

Ég sver það, allt er nú til!

Margir hafa eflaust heyrt söguna af gömlu konunni sem var nýbúin að fá örbylgjuofn. Hún var vön að ylja kettinum sínum í bakarofninum þegar hann kom inn úr kuldanum, og fannst alveg grá upplagt að nota þetta nýja undratæki til að hlýja kisa litla. Það fór nú ekki betur en svo að kattar greyið sprakk. Þess vegna stendur í bæklingum með örbylgjuofnum að það megi ekki setja í þá gæludýr.

Ég gæti hugsanlega trúað því að einhver sé svo grandalaus að setja gæludýr í örbylgjuofn og þá sérstaklega þegar þeir voru nýjir á markaðnum.

En þetta ,,Bandarísk kona talin hafa myrt barn sitt í örbylgjuofni" datt mér aldrei í hug að ég myndi sjá. Þetta er það hrottalegast sem ég hef nokkurn tíma heyrt, séð, lesið. Maður verður hissa, sorgmæddur og svo reiður! Ég vona svo innilega að þetta sé ekki satt.

Eðlisfræði prófið gekk bara mjög vel, vonandi ganga hin prófin eins vel
Strax eftir eðlisfræði prófið var hafist handa við að leysa vefverkefni í lífefnafræði...úff...það var svakalega mikil vinna og ég kom heim gjörsamlega útkeyrð.
Bróðir Kela var í heimsókn og við skelltum okkur í bíó, planið var að fara á Bond kl. 20 og helst í Háskólabíó...Nei viti menn Bond er ekki sýnd í Háskóla bíó og heldur ekki í Kringlubíó og kl. 19:30 í Álfabakka... pirrandi.
Við fórum í staðinn á The Departed, hún var bara nokkuð góð, ég sofnaði alls ekki ótrúlegt en satt

Á föstudaginn voru svo færnibúðir, þar lærum við að skoða sjúklinga, en æfum okkur reyndar bara hvort á öðru. Þetta var alveg ferlega skemmtilegt, við lærðum að gera spirometriu próf(öndunarpróf), skoða fólk vegna lungnasjúkdóma, hlusta lungun og svo lærðum við líka HNE skoðun.
Maður varð að vera duglegur að vippa sér í og úr bolnum, því við vorum alltaf að skoða og hlusta hvor aðra....maður verður víst að venjast því, þar sem það er slatti eftir af svona færnibúðum Þetta var alls ekkert vandræðalegt enda voru 4 æðislegar stelpur með mér í hóp.
Við vorum allar ótrúlega pró með okkar eigin hlustunarpípur, ótrúlega gaman að prófa þetta manni finnst maður kunna...eitthvað kannski eitthvað smá.

Jólaprófin eru að byrja á morgun, samt erum við enn þá í tímum  Þetta er um það bil það leiðinlegasta sem ég þarf að læra, eðlisfræði, ég sem hélt ég væri sloppin þegar stúdentsprófið í eðlisfræði í MR var komið í höfn...ohh alls ekki...en þetta er að minnsta kosti síðasti eðlisfræðiáfanginn, loksins 

Það fer að styttast í jólafríið sem þýðir að það styttist líka í jólin Vá ég hef ekki hlakkað svona til jólanna í mörg ár!

Sá þessa frétt inn á Vísir.is og þar með get ég útilokað eina sérgreinina, kvensjúkdómalæknir í Þýskalandi ætla ég ekki að verða.
Er virkilega hægt að kenna lækninum um þetta ? Hvað varð um þá staðreynd að getnaðarvarnir eru aldrei meira en 98-99% öruggar, hvernig getur dómstóllinn líka vitað hvort að konan hafi ekki bara teygt sig og fjarlægt þetta sjálf Ég á ekki orð, hvað er næst ?
Næst þegar ég fæ spurninguna ,,Hvaða sérgrein ætlarðu svo að leggja fyrir þig?" sem er ekki óalgeng spurning, verður svarið ,,Að minnsta kosti ekki kvensjúkdómalækningar í Þýskalandi!"

Hjálp ég er föst í óbyggðum, Ég var svo góð að ég ákvað að fara til Hafnar í Hornafirði og við komumst hingað nokkuð óhullt þrátt fyrir óhugnalegt flug, en héðan eigum við ekki að komast Vorum að fá að vita að það væri hreinlega of hvasst til að fljúga og við vitum EKKERT hvort við komumst heim, hvenær, hvernig eða neitt. Vitum heldur ekki hvar við eigum að vera þangað til við komumst aftur í mannabyggðir. Ef einhver veit um eitthvað skemmtilegt að gera á Höfn endilega bring it on !

-týnd og tröllum gefin

Í gær hittumst við bekkjarsysturnar og föndruðum. Það var alveg ótrúlega gaman, föndrið var ekki það flókið að hægt var að spjalla, sem er klárlega skilyrði fyrir skemmtilegu föndurkvöldi.
Viðfangsefni kvöldsins voru ljós kerti úr Ikea og svo ferlega sniðugar myndir sem átti að setja á kertin með því að nudda yfir myndina með íspinna-pinna, svokallaðar Rub-on myndir. Þetta gekk misvel hjá fólki...ég var nú bara nokkuð sátt við minn árangur, fall er fararheill, því ég var alveg að fara á límingunum í byrjun en svo kom þetta allt.
Þetta var ótrúlega skemmtilegt að breyta ljósu óspennandi kerti í ótrúlega fína jólaskreytingu